Loading...

Ishmuratov Madamin Jumabayevich

Rektor

Filologiya fanlar nomzodi, turon fanlar akademiyasi akademigi

1982 – 1989-yy. - Toshkent davlat universiteti talabasi.

1990 – 1991-yy. - O‘zbekiston Fanlar akademiyasi qo‘lyozmalar instituti kichik ilmiy xodimi.

1991 – 1993-yy. - Xorazm davlat pedagogika instituti chet tillar kafedrasi o‘qituvchisi.

1993 – 1998-yy. - Urganch davlat universiteti o‘zbek tilshunosligi kafedrasi o‘qituvchisi.

1998 – 1998-yy. - Xorazm Ma’mun akademiyasi kichik ilmiy xodimi.

1998 – 2002-yy. - Urganch davlat universiteti o‘zbek tilshunosligi kafedrasi o‘qituvchisi.

2002 – 2005-yy. - Urganch davlat universiteti o‘zbek tilshunosligi kafedrasi katta o‘qituvchisi.

2005 – 2011-yy. - Urganch davlat universiteti milliy istiqlol g‘oyasi, huquq va ma’naviyat asoslari kafedrasi dosenti.

2011 – 2012-yy. - Urganch davlat universiteti o‘zbek tilshunoslik kafedrasi katta o‘qituvchisi.

2012 – 2015-yy. - Urganch davlat universiteti o‘zbek tilshunosligi kafedrasi dosenti.

2015 – 2015-yy. - Urganch davlat universiteti filologiya va san’at fakulteti dekani.

2015 – 2020-yy. - Urganch davlat universiteti o‘zbek tilshunosligi kafedrasi dosenti.

2020 – 2022-yy. - Xorazm Ma’mun akademiyasi katta ilmiy xodimi.

2022-yildan boshlab, - Urganch innovasion universiteti rektori.

 

Ishmuratov Madamin Jumabayevich 1964-yil 23-mayda Xorazm viloyati Gurlan tumanida tug‘ildi. 1982-yili Toshkent davlat universiteti sharqshunoslik fakultetiga o‘qishga kirib, uni 1989-yili muvaffaqiyatli tamomladi. 1988-yili Afg’oniston Respublikasining Mozori-Sharif shahridagi konsulxonasida tarjimon vazifasida ishladi.

1989 – 1991-yillarda O‘zbekiston Fanlar akademiyasi qoshidagi H.Sulaymonov nomidagi Qo‘lyozmalar institutida kichik ilmiy xodim vazifasida ishladi.

1991-yildan 2022-yilgacha Urganch davlat universitetida o‘qituvchi, katta o‘qituvchi, dosent, dekan o‘rinbosari, fakultet dekani lavozimlarida samarali faoliyat olib olib bordi.

M.Ishmuratov “Tadbirkorlar va ishbilarmonlar harakati – O‘zbekiston Liberal-demokratik partiyasi” a’zosi.

Ishmuratov Madamin Jumabayevich fors, arab va boshqa qator sharq tillari bo‘yicha yetuk mutaxassis.

2002-yilda “Avestoda mifologik qatlam” mavzusida nomzodlik dissertatsiyasini muvaffaqiyatli himoya qilgan. Hozirda “Xorazm turkiy tarixnavisligida davlatchilik terminologiyasi” mavzusida doktorlik dissertatsiyasi ustida ilmiy ish olib bormoqda. U 5 ta monografiya, 3 ta risola, 100 ga yaqin ilmiy maqolalar muallifidir.

Madamin Jumabayevich tomonidan so‘nggi 3 (uch) yil mobaynida quyidagi ilmiy ishlar amalga oshirildi. Jumladan, Umid Bekmuhammad bilan hammualliflikda “Xorazm tarixidagi jarayonlar va tarixnavislik” monografiyasi (2024-yil, 18.0 b.t),  “Xorazm tarixiga oid manbalar tahlili va tarixnavislik” monografiyasi (2024-yil, 11.5 b.t), “Sharqqa talpingan sharqshunoslar” monografiyasi (2024-yil, 10.0 b.t), “Xorazm tarixiga oid manbalari” monografiyasi (2024-yil, 10.0 b.t) nashr qilindi.

Ishmuratov Madamin Jumabayevich Urganch innovasion universiteti asoschisi va ta’sischisidir. U  2021-yil fevral oyida nodavlat oliy ta’lim muassasasini tashkil etish maqsadida “Yosh sharqshunoslar” mas’uliyati cheklangan jamiyatini tashkil qildi. 2022-yilning iyul oyida “Yosh sharqshunoslar” mas’uliyati cheklangan jamiyatini Urganch innovasion universiteti nodavlat ta’lim muassasasiga aylantirildi. 2022-yil 4-noyabrda Urganch innovasion universiteti nodavlat ta’lim muassasasiga tegishli litsenziya olishga muvaffaq bo‘ldi.

M.Ishmuratov 2022-yil 14-noyabrdagi ta’sischilar yig‘ilishi qaroriga ko‘ra Urganch innovasion universiteti nodavlat ta’lim muassasasi rektori qilib tayinlandi.

Madamin Jumabayevich Vatan oldidagi sodiq xizmatlari uchun Hukumatimizning medal va ko‘krak nishonlari bilan mukofotlandi. Jumladan, Sobiq ittifoqning “Za otvagu” medali (1987), Afg‘oniston Respublikasining “Savr inqilobining 10 yilligi” medali (1988), O‘zbekiston Respublikasi “Vatanning sadoqatli farzandlari” nodavlat tashkilotining “Vatanning sadoqatli farzandi – fidoyi inson” ko‘krak nishoni (2022) bilan taqdirlandi.

Ishmuratov Madamin Jumabayevichning 60 yillik yubileyi munosabati bilan O‘zbekiston "Veteran" jangchi-faxriy va nogironlari birlashmasi Xorazm viloyati Urganch shahar bo‘linmasi tomonidan "Jaloliddin izdoshlari" ko‘krak nishoni va birlashmaning 30 yilligi munosabati bilan "Veteran-30" medallari topshirildi.

Sertifikatlar va yutuqlar