Ustozlarimiz ta'biri bilan aytganda Mahmudxo‘ja Behbudiy Turkiston jadidchilik harakatining karvonboshisidir!
Tashkil etilgan ushbu anjumanda ham  ilm-ma'rifat  yo'lini tanlagan ana shu buyuk inson uchun, ilm istagan qalblarga ziyo ulashmoq uchun umrini baxshida qilgan zot uchun, uning qoldirgan boy merosini o'rganmoq uchun harakat qilayotgan shogirdlar va izdoshlar o'z so'zlarini, fikr-mulohazalarini bayon etdilar!
Ma'ruzalarda atoqli adib va jamoat arbobi Mahmudxo'ja Behbudiyning mashaqqatli, ammo, sharafli umr yo'li imkon qadar ochib berildi.
Zero, uning qoldirgan boy merosi va ibratli umr yo'li qancha bahra olsak ham tagamaydigan ummon kabidir!

E'tiborlisi anjumanda ishtirok etgan talaba-yoshlarimiz ham bu kabi tadbirlar, anjuman va konferensiyalarda ma'ruza qilish, ustozlardan yana ham chuqurroq bilim olish, o'rganish, tajriba orttirish ularning ilmiy izlanishlarida ham maktab vazifasini o'tashini alohida e'tirof etdilar.