Avval xabar berganimizday Urganch innovatsion universiteti ilmiy ishlar va innovatsiyalar bo‘yicha prorektori, filologiya fanlari bo'yicha falsafa doktori Masharipov Mansurbek Masharipovich hamda Ta'limni kredit tizimi boshqarish va ma'lumotlar bazasini monitoring qilish bo‘yicha bosh mutaxassisi Abdullayev Abdulla Quronboyevichlar hozirda Qozog'iston Respublikasida ilmiy tashrif bilan mehmon bo'lib turibdilar!

Qozog‘iston Respublikasi Fan va oliy ta'lim vazirligi
ATYRAU UNIVERSITY da bo'lib o'tayotgan tadbirlarning keyingi kunida (22.10.2024) 
"Satimjon Sanboyev ijodida adabiy an’ana va milliy ong" Respublika ilmiy-amaliy konferensiyasi o'tkazildi.
Anjumanda Gollandiya, Germaniya, Turkiya, O'zbekiston hamda  Ozarbayjon kabi davlatlardan tashrif buyurgan  filologlar ishtirok etishdi.

ATYRAU UNIVERSITY rektori Idrisov Salamat Nurmuhanuli hamda Masharipov Mansurbek Masharipovich ishtirokida bo'lib o'tgan uchrashuv jarayonida ham ikkala oliygoh o'rtasida kelgusida amalga oshirilishi ko'zda tutilayotgan hamkorlik muhokama qilindi.
Tadbir yakunida taqdim qilingan Tashakkurnomada ham  hamkorligingiz va xalqaro aloqalaringiz uchun chuqur minnatdorchilik bildiramiz, sizning yuqori malakangiz va professionalligingizni alohida ta'kidlaymiz, umid qilamizki, kelgusida hamkorligimiz yanada mustahkamlanadi va yanada samarali bo'ladi kabi so'zlar joy oldi!